Gebeurtenisse

Vandag is ons jammer om julle mee te deel dat ons nie Basaar gaan hê hierdie jaar nie.  As gevolg van die uitdagings in die gemeente op die oomblik, het ons besluit om die Basaar wat op 30 November 2024 sou plaasvind, af te stel.

Omstrede sinode besluite

Die kerkraad het dit noodsaaklik geag, gegewe woelinge in die gemeente, om ‘n inligting sessie te hou te Sedgefield.

Ons het 5 sprekers genooi om ons as kerkraad, en u as gemeente, so volledig moontlik toe te rus om lewensbelangrike/ewigheidsbesluite te neem.

Dit sal baie help as u vooraf, tussen nou en Donderdag vir ons ‘n aanduiding kan gee of u dit sal bywoon. Ons het getalle nodig om die nodige reẽlings te tref, aangesien die vrouediens verversings, tee en koffie gaan bedien. U sal dan ook reeds geregistreer wees en kan dan Saterdagoggend net aanmeld sodat u naam afgemerk kan word.
Stuur asb vir Christa u boodskap van bevestiging
op haar selnommer: 082 828 9118.

Daar gaan ook tyd ingeruim word vir vrae. Bring asb ‘n pen saam om u vraag neer te skryf op die papier, wat aan u voordien sal word. As u ‘n epos-adres het, sal dit gaaf wees om dit te verskaf sodat, indien u vraag dalk nie beantwoord kan word nie, dit later via epos gedoen kan word.

Registrasie begin reeds om 08:00 – 08:30. Daarna volg ‘n Aanbiddingsessie wat sal afsluit met Skriflesing en gebed.

Die verrigtinge begin stiptelik om 09:00

Kom deel in Sondag 31 Maart se diens – almal is welkom.

Tema: “Deur die kruis kom God op ‘n besonderse manier na ons” Geseënde Paasfees

Baie dankie aan die Donkiekar Boereorkes vir die lekker musiek wat julle vir ons gespeel het gedurende die basaar in Sedgefield. Ons voete het gejuk om te dans en die lywe het gewieg saam met die ritme! Kontak gerus vir Brian vir besprekings. Sy nommer is: 083 292 1788